Мемлекеттік органдар қызметкерлерінің, отбасымен жұмысқа жауапты мамандардың айтуынша, мұндай орталықтың ашылуына отбасында зорлық-зомбылықтың көбеюі себеп болды. Отбасы мүшелерін жіберлеушілерге психологтар мен заңгерлер көмектеседі.
"Дамыған елдерде осындай тәжірибе бар. Отбасы мүшесін жәбірлеген адамға мемлекет бірнеше талап қояды: тұтқындау, айыппұл төлеу немесе арнайы бағдарламамен оқу. Өз әрекетіне ие бола алмайтын адамдар осы бағдарламаның көмегімен отбасына қайта оралуға мүмкіндік алады", - дейді психолог Мухаррама Рахимова.
Орталық мамандары арнайы дәріс алды. Олар мұнда милиция қызметкерлерімен бірге жұмыс істейді.
"Отбасындағы зорлық-зомбылық құрбандарымен ғана емес, жәбірлеушінің өзімен де жұмыс істеу керек екенін тәжірибе көрсетті. Біз жаңа бағдарлама негізінде жәбірлеушілермен жұмыс істеп, оларға зорлық-зомбылық деген не, оның салдары қандай екенін түсіндіреміз", - дейді заңгер Садриддин Саидов.
Орталық ЕҚЫҰ-ның Душанбедегі кеңсесінің көмегімен құрылды.