Бу ҳақда Беларус авторитар раҳбари Александр Лукашенконинг матбуот хизматига яқин бўлган Пул Первого телеграм канали ёзган.
“Клуб ҳалқаси” марказида МДҲ герби, табриклар ичида эса “Янги 2023 йил билан” сўзлари тасвирланган, дея қайд этади Фонтанка.
Санкт-Петербургдаги учрашувда Лукашенко ва Россия президенти Владимир Путиндан ташқари Қозоғистон президенти, Озарбайжон, Қирғизистон, Тожикистон, Туркманистон, Ўзбекистон раҳбарлари, шунингдек, Арманистон бош вазири Никол Пашинян иштирок этди.
Норасмий саммит 26-27 декабрь кунлари бўлиб ўтди. Душанба куни Владимир Путин МДҲга аъзо давлатлар ўртасида келишмовчиликлар борлигини, бироқ уларнинг “ҳамкорликка тайёрлиги” асосийси бўлиб қолаётганини айтди.
Сешанба куни Россия музейи залларидан биридаги расмлар остида Путин ва Лукашенко ўртасидаги музокаралар ҳақида хабар берилган. Путин буни "ажойиб интерерларда мулоқот" деб атади. Россия музейида ишчи нонушта ҳам ташкил этилди.
Александр Лукашенконинг сўзларига кўра, у кечки пайт Россия президенти билан кўп масалаларни муҳокама қилган. "Биз Минскдаги мулоқотимизни давом эттирмоқдамиз, чунки у асосан иқтисодиётга қаратилган эди", - дея Лукашенкодан иқтибос келтиради Интерфакс.
Лукашенко режими Москванинг асосий иттифоқчиларидан бири саналади. Февраль ойида рус қўшинлари Киевга Белоруссия ҳудудидан олдинга силжишди. Белоруссия армияси жанговар ҳаракатларда бевосита иштирок этмади ва март ойининг охирида Киев ва Черниговдан чекинганидан кейин Беларус ҳудудидан ҳужум қилиш учун янги уринишлар бўлмади.
Украинага қилинган ҳужум учун Ғарб давлатлари нафақат Россия расмийлари ва компанияларига, балки Лукашенконинг атрофидагиларга ҳам бир қанча қаттиқ санкциялар пакетини жорий қилди. "Россия Украинага нисбатан тўғри йўналишда ҳаракат қилмоқда, у ўз миллий манфаатларини ҳимоя қилмоқда", деди Владимир Путин яқинда. Қўшма Штатлар ва Киевни қўллаб-қувватловчи бошқа давлатлар Россияни Украина халқига нисбатан шафқатсизликда айбламоқда. Бир неча давлат парламентлари Россияни терроризм ҳомийси ёки террорчи режим деб эълон қилди ва Европарламент ҳам худди шу резолюцияни маъқуллади.