Декабрь ойида, ҳисоботда таъкидланганидек, кузатувчилар Украина тинч аҳолиси орасида 165 кишининг ўлимини қайд этган. Шу билан бирга, 500 дан ортиқ тинч аҳоли турли даражадаги тан жароҳатлари олди.
Умуман олганда, 2022 йил 24 февралдан 26 декабргача бўлган даврда Украинада 6884 нафар тинч аҳоли ҳалок бўлган. Ҳалок бўлганлар орасида 2719 эркак, 1832 аёл ва 391 бола бор.
Бу даврда Украинанинг 10 947 нафар фуқароси турли даражадаги оғирликдаги жароҳатлар олди, жумладан, 2364 нафар эркак, 1709 нафар аёл ва 547 нафар бола.
24 февралдан бери энг кўп ўлим (4052 киши) Донецк ва Луганск вилоятларида қайд этилган. Украинанинг бошқа вилоятларида февралдан декабргача 2832 киши ҳалок бўлган.
Хабар қилинишича, ҳалок бўлганларнинг аксарияти йирик миқёсдаги портловчи қуроллардан фойдаланиш, жумладан, оғир артиллерия ва кўплаб ракета ҳужумлари, шунингдек, ракета ва ҳаво зарбалари туфайли содир бўлган, дейилади хабарда.
БМТ қайд этишича, ҳақиқий қурбонлар сони кўпроқ бўлиши мумкин, чунки фаол ҳарбий ҳаракатлар зонасидан маълумотлар кечикиш билан келади. Бу Мариупол, Изюм, Лисичанск, Попасна, Северодонецк каби шаҳарлардир.
Украинада, Ички ишлар вазирлиги маълумотларига кўра, Россиянинг кенг кўламли босқинининг бошидан бери 35 мингдан ортиқ объектлар вайрон қилинган. Жумладан, снарядлар натижасида 702 та муҳим инфратузилма объектлари, яъни газ қувурлари, электр подстанциялари ва кўприклар шикастланган. Департаментнинг қайд этишича, ўққа тутилишдан энг кўп Харков, Донецк ва Луганск вилоятлари жабр кўрмоқда.