Мәліметке қарағанда, оқиға 31 желтоқсанда сағат 16:30 шамасында болған. Бішкек-Ош күре жолында милиция инспекторы жол ережесін бұзған автокөлікті байқап, оны Қырғыз-Чек ауылының маңында тоқтатқан.
"Автокөлік ішінде жас қыздың көмек сұрап айқайлағаны естілген. Қызды Оштан Қара-Құлжа ауданына алып қашып бара жатқаны мәлім болған. 25 жастағы екі азамат Ош милициясыынң тергеу бөліміне тапсырылды", - деп хабарлады ішкі істер департаменті.
Бұның алдында бас прокурор Құрманқұл Зұлұшев 2021 жылы Қырғызстанда қыз алып қашуға қатысты 560 оқиға тіркелгенін айтқан.