Ҳукумат 11 январдаги қарори билан бундай транспорт воситаларини дастлабки рўйхатга олиш учун йиғим ставкасини қўллаш қоидалари ва шартларини тасдиқлади. Қоидалар 2023 йил 23 январдан бошлаб жорий қилинади.
“Шу кундан бошлаб биз хорижий автомобилларни қонунийлаштиришни бошлаймиз”, деди Игор Лепеха.
ИИВ раҳбари ўринбосари 200 минг тенге миқдорида йиғим тўланган ва утилизация қилишдан озод қилинган автомобиллар қонунийлаштириладиган ҳолатларни санаб ўтди:
- автомобиль 2022 йил 1 сентябргача мамлакатга олиб кирилган бўлиши керак;
- қидирувда бўлмаслиги керак;
- бошқа давлатда олдинги рўйхатдан ўтган жойида рўйхатдан чиқарилган бўлиши керак;
- ва божхона расмийлаштирувидан ўтган бўлиши керак.
ИИВ хабарига кўра, қоидалар 2023 йил 1 июлгача амал қилади ва брутто оғирлиги 5 тоннагача бўлган енгил автомобиллар, кичик ва ўрта автобуслар ҳамда брутто оғирлиги 3,5 тоннагача бўлган кичик юк автомобилларига нисбатан қўлланилади.
Маълум қилинишича, ёш ва экологик тоифага нисбатан талаблар қўйилмайди.
21 декабрь куни президент Қасим-Жўмарт Тоқаев Солиқ кодексига Қозоғистонга 1 сентябргача ноқонуний олиб кирилган автомобилларни қонунийлаштириш учун дастлабки рўйхатдан ўтказиш йиғимини белгилашни назарда тутувчи ўзгартиришларни имзолади.
Солиқ кодексига киритилган ўзгартишлар билан қонунийлаштирилиши лозим бўлган автотранспорт воситаларини дастлабки рўйхатдан ўтказиш учун йиғим 200 000 тенге миқдорида белгиланди. Тоқаев ўзининг «мурожаати»да келажакда “автомобилларни олиб киришнинг барча ноқонуний каналларини блокировка қилиш бўйича кескин чоралар кўриш кераклигини” таъкидлади.