Ссылки доступа

Ўзбекистон аэропортларига кутиб олувчиларнинг киришларига рухсат берилди


Ўзбекистонда аномал совуқ туфайли аэропортлар биносига кутиб олувчиларнинг киритилишига рухсат берилди. Бу ҳақда «Uzbekistan Airports» ахборот хизмати хабар берди.

Қайд этилишича, илгари кутиб олувчиларни бинога киритиш аэропортларда фаолият юритувчи бир қатор тузилмаларнинг ҳужжатлари билан чекланган. 15 январдан бошлаб барча кутиб олувчилар учиб келиш залларига кириб, терминал ичида божхона ҳудудигача бўлган жойда учиб келаётган йўловчиларни кутиши мумкин бўлади.

Uzbekistan Airports бошқарув раиси Раъно Жўраева ушбу қарорни муаммолар кўплигини тан олган ҳолда уларнинг таклифлари давлат раҳбарияти томонидан қўллаб-қувватлангани билан изоҳлади. Маълум қилинишича, 14 январдан бошлаб республикадаги халқаро аэропортларга барча кутиб олувчиларнинг учиб келиш залларига кириб, терминал ичида божхона ҳудудигача бўлган жойда учиб келаётган йўловчиларни кутиш имконияти яратилди.

Унинг сўзларига кўра, жараён, зал атрофида кўплаб коммуникациялар ўрнатилганлиги сабабли мураккаблашмоқда. «Ҳар сафар, биз мавжуд аеропортни қайта қуриш, кенгайтириш, қулайроқ қилиш учун ҳаракат қилишга қўл урганимизда, пойтахтимизга янги аэропорт қуриш керак эканлигига ишонч ҳосил қилмоқдамиз. Аммо, аэропортлар бир кунда бунёд этилмаслигини ҳисобга олиб, имкон қадар мавжуд аеропортни реконструкция қилмоқдамиз».
XS
SM
MD
LG