DABS вакили Сафиуллоҳ Аҳмадзай Ўзбекистон томони билан электр таъминотини қайта тиклаш бўйича музокара олиб борилаётгани, аммо бу борада ҳали аниқ жавоб олинмаганини айтган.
Икки ҳафта олдин Ўзбекистон Афғонистонга электр энергияси етказиб бериш бўйича келишув муддатини узайтирган эди. Унга мувофиқ, расмий Тошкент қўшни давлатга қиш давомида 450 МВт электр энергияси етказиши керак.
Афғонистон пойтахти Кобул аҳолиси қаҳратон шароитида электр тақчиллигидан азият чекаётгани айтилмоқда. Ўзбекистонда ҳам аномал совуқ сабаб энергетик бўҳрон юзага келган.