Ссылки доступа

Соли 2023 Қирғизистон аз Қазоқистону Туркманистон 2 млрд кВт/соат барқ ворид мекунад


Дар давраи гармидиҳии соли 2022 истифодаи барқ дар Қирғизистон 15,9 млрд кВт/соатро ташкил додааст.

Дар ин бора Бакит Торобоев, муовини раиси девони вазирони Қирғизистон дар суҳбат бо расонаҳо хабар дод.

Вай гуфт, дар соли 2023 истифодаи барқ ба 16,6 млрд кВт/соат мерасад ва камбуди он 1,9 млрд кВт/соатро ташкил хоҳад дод.

"Бо ҳадафи пӯшонидани камбуди барқ барои воридсозии 2 млрд кВт/соат барқ аз Қазоқистон ва Туркманистон шартнома имзо шудааст", - гуфт Торобоев.

Аммо маълум нест, ки оё воридоти барқ ба Қирғизистон шуруъ шудааст ё на.

Бо фарорасии сардиҳо дар шаҳру ноҳияҳои Қирғизистон маҳдудияти интиқоли барқ мушоҳида мешавад.

Қирғизистон бо 7 миллион аҳолиаш дар солҳои охир ба буҳрони энержӣ рӯ ба рӯ аст. Ҳамасола дар он кишвар талабот ба барқ 5-7% меафзояд, ки тавлидоти дохилӣ онро қонеъ карда наметавонад.

XS
SM
MD
LG