Ссылки доступа

Хитойлик олимлар Ўзбекистондаги ғордан топилган неандертал боланинг ташқи кўринишини тиклади


3D-реставрация технологияси воситасида тикланган неандертал бола қиёфаси (“Синьхуа” агентлиги фотоси)

Хитойнинг Цзилинь университети палеоантропологлари Ўзбекистондаги Тешиктош ғоридан топилган неандертал боланинг ташқи кўринишини намойиш этди. Синьхуа агентлиги хабарига кўра, бу тошга айланган одам бош суягининг илк бор 3D технология ёрдамида компьютерда тикланишидир.

Тахминан 300 минг – 40 минг йил олдин яшаган 8-9 ёшли неандертал болага тегишли бош суяги 1938 йилда топилган эди. Тошга айланган суяк Осиё ҳудудида топилган биринчи неандертал қолдиғи ҳисобланади. Ушбу кашфиёт неандерталларнинг шарққа кўчишини исботлаган эди.

Мутахассисларнинг фикрича, янги реконструкция қадимги одамларнинг ташқи қиёфасини аниқ кўрсатиб қолмай, Марказий Осиёдаги неандерталларнинг морфологик хусусиятлари ҳамда уларнинг атроф-муҳитга мослашувини чуқур тадқиқ этишга туртки беради.

XS
SM
MD
LG