“Мамлакатда қонун устуворлигини назорат қилувчи орган раҳбари Берик Асилов ўқитувчи Қалас Нурпеисов ва журналист Айгерим Тлеужановани “экстремистик гуруҳлар аъзолари” деб атаганини ҳаммамиз эшитдик. Уларнинг маҳкама олдидан, ҳукм чиқмасдан туриб, мажлис деворлари ичида шундай дейишлари бизни ғазаблантирди. Бу прокурорнинг ўзи томонидан қонун бузилиши, шу муносабат билан унинг ишдан бўшатилишини талаб қиламиз”, деди прокуратурага келган журналист Думан Муҳаммадкарим.
20 январь куни йиғилган одамлар Берик Асиловнинг истеъфосини талаб қилиб, интернет орқали петиция бошлашди. Бугунги кунга қадар петицияда 130 000 дан ортиқ имзо тўпланган. Прокуратурага келганлар ҳам бинога кираверишда имзо йиғишган.
– Бу ерга келган 30 дан ортиқ киши ҳам ўз имзосини қўйган. Онлайн петиция электрон почта орқали, Facebookда рўйхатдан ўтиш орқали бироз қийинроқ. Ушбу мураккабликлар туфайли онлайн имзоловчилар сони унчалик кўп эмас. Аммо бутун фуқаролик жамияти петицияни қўллаб-қувватламоқда”, деди прокуратура олдида йиғилган фаоллардан бири Арайлим Назарова.
Оломон тахминан бир соатдан кейин тарқалиб кетди. Улар аризани президент маъмуриятига электрон шикоят тарзида юборишларини айтишган. Бош прокурор Берик Асиловнинг истеъфосини талаб қилган аризасига муносабат билдирилмаган.
Айгерим Тлеужанова ва собиқ тарих ўқитувчиси Калас Нурпеисов 2022 йил январидаги тартибсизликлар чоғида Олмаота аэропортини эгаллаб олиш бўйича ишда гумон қилинишди. Иккаласи ҳам ўзларига қўйилган айбловларни рад этишди.
Март ойида хавфсизлик кучлари январь воқеалари вақтида аэропортга уюштирилган ҳужумни тергов қилиш доирасида Тлеужанованиг уйини тинтув қилишга келган эди. Қидирув қарорида Жиноят кодексининг 255-моддаси 4-қисми (“Терроризм акти”) билан жиноят иши қўзғатилган.
Ноябрь ойидан бери Айгерим Тлеузҳанова уй қамоғида сақланмоқда.
Январь ойи охирида президент Қасим-Жўмарт Тоқаев давлат телевидениесига берган интервьюсида Олмаота аэропорти Марказий Осиё шаҳарларидан биридан меҳмон ишчилар ниқоби остида учиб келган жангарилар эркин ҳаракат қилишлари учун қўлга олинганини айтди.
Декабрь ойи охирида бир гуруҳ фаоллар ва журналистлар Айгерим Тлеужановани жиноий жавобгарликдан озод қилишни талаб қилишган.
10 январь куни фаолнинг адвокати Айнара Айдархон матбуот анжуманида Қозоғистон бош прокурори Берик Асилов “Тлеужановани суд қарорисиз унинг ҳуқуқлари ва бегуноҳлик презумпциясини поймол қилган ҳолда айбдор деб атаганини” айтди. У "бу билан у жамоатчилик фикрини шакллантирмоқчи ва суд қарорига таъсир қилмоқчи" деган фикрни билдирди.
Қозоғистон Конституциясининг 77-моддасига кўра, шахснинг айби тўғрисидаги суд ҳукми қонуний кучга киргунига қадар у айбдор эмас.