Аҳолини эвакуация қилиш ва вақтинча жойлаштириш учун маҳаллий ижроия органлари Сауран ҳудудида тўртта эвакуация пункти тайёрлади.
Маълум қилинишича, тўртта аҳоли пункти – Байдибек туманидаги Шаян ва Шакпак, Сауран туманидаги Шага ва Арис шаҳридаги сув оқимини йўналтириш бўйича ишлар олиб борилмоқда.
Уй-жойларни сув босишининг олдини олиш мақсадида қутқарувчилар ва ҳокимликлар ходимлари 12 минг дона қоп ётқизиш устида ишламоқда.
Кентаунинг Қарнак қишлоғида, Байдибек, Ўрдабаси, Сауран туманларида жами 21 кўча ва 235 та ҳовли, шунингдек, Ўрдабаси туманидаги мактабнинг бир ҳудуди сув остида қолган.
Фавқулодда вазиятлар вазирлиги, маҳаллий ижро ҳокимияти органлари, Мудофаа вазирликларининг жами 400 нафардан ортиқ куч ва воситалари, 70 га яқин техника ва 35 та мотор насослари жалб этилган.
Фавқулодда вазиятлар департаменти маълумотларига кўра, арафасида вилоят аҳамиятига молик 11 та автомобиль йўлининг 23 та участкасида йўл қисмидан сув тошқини содир бўлган. Тошқин сабаб вилоят аҳамиятига эга Кўксаёт – Оқсув – Саян – Мингбулоқ – М-32 йўли тўсиб қўйилган.
Сув тошқинини бартараф этиш учун Туркистон вилоятига Чимкент шаҳар Фавқулодда вазиятлар бошқармасининг қўшимча куч ва воситалари жўнатилди.
2 февраль куни Туркистон вилоятида қорнинг тез эриши ва кучли ёмғир натижасида бир қанча аҳоли пунктларида сув сатҳи кўтарилди. Фавқулодда вазиятлар вазирлиги матбуот хизмати 2 февраль куни соат 11:00 да Туркистон вилоятида кучли ёғингарчилик туфайли Кентау, Туркистон шаҳарлари ҳамда Байдибек, Сауран ва Ўрдабаси туманларида кўчаларни сув босганини маълум қилди.