Мирзиёев матбуот хизматининг билдиришича, учрашувда Миср халқаро ҳамкорлик вазири Рания ал-Машат, Савдо палаталари федерацияси президенти Иброҳим Маҳмуд ал-Арабий, “Elsewedy Electric”, “El Araby Group”, “Orascom Construction”, “Poliserve Group”, “Al-Rowad”, “Lotus Garments Group” каби йирик компаниялар раҳбарлари иштирок этди.
Мирзиёев учрашувда куни кеча ўтган Ўзбекистон-Миср бизнес форумида умумий қиймати 1,6 миллиард долларлик 20 дан зиёд шартнома имзоланганини қайд этди.
Бундан ташқари Мирзиёев Миср ширкатларини энергетика, электротехника, кимё, тоғ-кон, тўқимачилик, қишлоқ хўжалиги, фармацевтика, чарм-пойабзал тармоқларига инвестиция киритшига чақирди.
Мирзиёевнинг Миср сафари 20-21 февраль кунлари бўлиб ўтади. 21 февралда Шавкат Мирзиёев Миср президенти ал Сиси билан музокаралар ўтказади.
Мисрга икки кунлик ташриф билан борган Ўзбекистон президенти 20 февраль куни Мисрдаги етакчи компаниялар раҳбарлари билан учрашди.