Аёлнинг таъкидлашича, у ўғлининг ўлими ҳақида 20 февраль куни хабар топган.
“Маълум бўлишича, у 6 февраль куни вафот этган. Энди болаларни қамоқдан урушга жўнатишга йўл қўймаслик керак. Мен ёлғиз ўғлимни йўқотдим. Бошқа оналар ҳам мен каби қийналишмасин, болаларимизни қутқарайлик”, - дейди Гулнора Зокирова.
Аввалроқ нашримиз Россияда 9 йиллик қамоқ жазосига ҳукм қилинган 30 ёшли Эрлан Эрмеков «Вагнер» хусусий ҳарбий компанияси орқали Украинадаги урушга жўнатилгани ҳақида хабар берган эди. У урушда 4 ойга яқин муддат хизмат қилган. Эрмеков 2019 йилда талончилик ва зўрлашда айбланиб судланган эди.
30 ёшли Эрлан сўнгги бир ой ичида Украинада ўлими маълум бўлган тўртинчи қирғизистонликдир. Уларнинг барчаси Россия қамоқхонасида эди.
Сўнгги маълумотларга кўра, Россиянинг 79 та субъектидаги ёпиқ муассасаларда Қирғизистоннинг 1 077 фуқароси жазони ўтамоқда. Депутат Жанар Акаев маҳкумлар Россия қамоқларидан урушга олиб кетилаётгани сабабли уларни экстрадиция қилиш жараёнини тезлаштиришга чақирди.