Ижтимоий тармоқларда тарқатилган видеода ўзларини гўёки “Рус ихтиёрчилар корпуси”га мансублигини айтган одамлар “ватанини озод қилиш учун” чегарани бузиб ўтганларини ва “рус халқи билан эмас, Путин режими билан жанг қилаётганларини” билдирганлар.
Украинадаги “Бабель” нашри видеодаги кишилардан бири Украина томонида жанг қилаётган Россия фуқароси Денис Никитин эканини таъкидлади. Нашр Украина Қуролли кучлари қўмондонлиги мазкур амалиётдан бехабар эканини ёзди. Украина президенти офиси маслаҳатчиси Михаил Подоляк твиттерда бу воқеани “провокация” деб баҳолади.
Украина разведкаси эса “Рус ихтиёрчилар корпуси” Путин режимига қарши қуролли қаршилик қилаётган шахслардан иборат эканини билдирди.
Россия Федерал хавфсизлик хизмати “Брянск вилоятининг Климов туманида давлат чегарасини бузиб ўтган қуролланган украин миллатчиларига қарши амалиёт ўтказилаётганини” маълум қилди.
Президент Путин бу воқеани террор амалиёти деб баҳолади.
Россия матбуоти ва телеграм каналлари 2 март куни Украина билан чегарадош Брянск вилоятида жанглар бўлгани ҳақида ёзди. Иддао қилинишича, Любечан ва Сушан қишлоғига Украина ҳудудидан диверсия-разведка гуруҳлари бостириб кирган.