Рейтингда Ўзбекистондан олдинги ўринни Қувайт, кейинги ўринни Камбоджа эгаллаган. Индекс 12 кўрсаткич бўйича, жумладан, хусусий мулк ҳуқуқининг таъминланиши, суд самарадорлиги, солиқлар, бизнес эркинлиги, савдо, инветиция ва меҳнат бозори эркинлигини баҳолаш орқали тузилади.
Жорий йилги рейтингда ҳам Ўзбекистон иқтисодиёти асосан эркин бўлмаган давлатлар қаторидан жой олди. 2017 йилгача Ўзбекистон бу рейтингда репрессив режимлар қаторида тилга олинар эди.
Рейтинг тадқиқотчиларининг билдиришича, Ўзбекистонда 2022 йилда солиқлар 19,6 фоиздан 18,7 фоизга тушган. Бироқ бюджетнинг ўртача камомади сўнгги уч йилда 0,6 фоиздан 2,8 фоизга, давлат ҳаражатлари эса 27 фоиздан 28,9 фоизга кўпайган.
Марказий Осиё давлатлари орасида иқтисодиёти нисбатан эркин давлат мақомига 71-ўринни эгаллаган Қозоғистон киритилган. Қирғизистон 115-ўринни, Тожикистон 146-ўринни эгаллаб, Ўзбекистон каби иқтисодиёти асосан эркин бўлмаган давлатлар қаторидан жой олган. 161-ўринда қайд этилган Туркманистон эса репрессив иқтисодиётлар қаторидан жой олди.
Жорий рейтингда 184 давлат орасидан фақат Сингапур, Швейцария, Ирландия ва Тайвангина эркин иқтисодиётга эга давлатлар сифатида тилга олинди.
Ўзбекистон Heritage Foundation ҳар йили The Wall Street Journal билан ҳамкорликда ишлаб чиқадиган иқтисодий эркинлик рейтингида 8 поғонага кўтарилди ва 109-ўринни эгаллади. 2022 йилда Ўзбекистон мазкур рейтингнинг 117-поғонасида эди. Аммо 2021 йилда 108-ўринда бўлган.