Комитет мәліметінше, Маанаев үнемі ақша жинаумен, мемлекеттік сатып алуда жоғары баға көрсетумен айналысты деп айыпталған. Арнайы қызмет ұлттық госпиталь дәрігерлерінен ақша жинауға қатысты 20-дан астам оқиға тіркеген.
"Ол мемлекеттік сатып алудан да заңсыз табыс тапқан. Атап айтқанда, медициналық құрал-жабдықтар құны көтермелеп көрсетілген, қымбат дәрілерді жарамсызға жатқызып отырған", - деп хабарлады ҰҚМК.
Арнайы қызмет мәліметінше, 2022 жылғы қазанда ұлттық госпитальға дәрі жеткізу жұмысын тендерде жеңіп алған компания бюджетті 36 миллион сом ($410 мың) шығынға батырған.
Ұлттық госпитальда бір мыңнан астам науқас ем қабылдай алады. Тоқтобай Маанаев бас дәрігер қызметіне 2020 жылғы тамызда тағайындалған.