Хушнудбек ўтган йилнинг ноябрь ойида Красноярск ўлкасидаги сўнгги бир йил давомида муддатини ўтаб келаётган 7-колониядан Украинадаги урушга жалб қилинган ўзбекистонлик муҳожирлардан бири.
Мухожирнинг укаси Дилшодбекнинг сўзларига кўра, катта акаси қамоқдан тезроқ чиқиб кетиш учун ўз ихтиёри билан «Вагнер» хусусий ҳарбий компанияси билан шартнома тузган.
Дилшодбекнинг сўзларига кўра, унга қўнғироқ қилишиб, акасининг Украинага урушга кетганини айтишган.
Мухожир бир йил давомида жазони ўтаган Красноярск ўлкаси, Емеляновский тумани Арейское қишлоғидаги ушбу колония қатъий режимдаги эркаклар ахлоқ тузатиш колонияси бўлиб, унда ўта оғир жиноят содир этган шахслар сақланади. Хушнудбекнинг ўлик ёки тириклиги ҳалигача оиласига номаълум.
"Вагнер" хусусий ҳарбий компанияси Россиянинг норасмий қуролли тузилмаси бўлиб, Владимир Путинга яқин бўлган петербурглик тадбиркор Евгений Пригожин томонидан яратилган. ХҲК ёлланма аскарлари, шу жумладан колонияларда ёлланган маҳбуслар Украина билан урушда, шунингдек, Сурия ва Африкадаги қуруқликдаги операцияларда фаол иштирок этмоқда.