Хабарга кўра, «Байтак»дан ташқари олти партия парламентга кирди. «Аманат» партияси МСК маълумотларига кўра – 53,9 фоиз (3 431 510 овоз) овоз йиғган. «Аул» партияси 10,9 фоиз (693 минг 938 овоз), «Республика» партияси 8,59 фоиз (547 минг 154 овоз), “Оқ йўл” партияси 8,41 фоиз (535 минг 139 овоз) ва ХДП 6,8 фоиз (432 минг 920 овоз) овозларни қўлга киритди.
Шунингдек, талаб қилинадиган беш фоизлик чегарадан ўзини мухолиф партия сифатида кўрсатувчи МСДП ўта олди. Партия 5,2 фоиз (331 058 овоз) овоз тўплаган.
«Байтак» партияси 2,3 фоиз (146 431 овоз) олиб, парламентга кирмади. “Барча партияларга қарши” овозлар сони 248 291 (3,9 фоиз)ни ташкил қилди.
Остонадаги сайловларнинг якуний натижаларига кўра, «Аманат» партияси аъзолари ғолиб деб топилди. Олмаотада бир мандатли номзодлар бўйича ўтказилган сайловларнинг якуний натижалари, МСК маълумотларига кўра, дастлабки натижалар билан бир хил.
Бир мандатли сайлов округлари бўйича Мажлис депутатлигига кирган 29 номзоддан камида 23 нафари ҳокимиятдаги «Аманат» партияси вакилларидир.
19 март куни парламент ва барча даражадаги масъуллар депутатлари сайлови бўлиб ўтди ва у билан бирга айрим мустақил номзодлар ва кузатувчилар томонидан сайлов жараёни бузилганлиги тўғрисидаги шикоятлар ҳам келиб тушди.