Бұл жөнінде Азаттықтың түркімен қызметі дереккөзіне сілтеме жасап хабарлады.
"Ақ үй екі жыл бұрын салтанатты түрде ашылған. Бірақ үкімет әлі "Ажайып Довур" компаниясына тиісті ақшаны толық төлемей отыр. Үкімет 25 миллион манат (7 млн доллар шамасында) қарыз", - деді дереккөз.
Оның сөзінше, Ақ үй құрылысына 215 млн манат жұмсалған.
"Келісімге сәйкес, мемлекет пайдалануға берілгеннен кейін 90 күн ішінде ақшаны толық төлеп беруі тиіс болған", – дейді дереккөз.
Ақпаратқа қарағанда, Түркіменабадтағы "Ақ үй" құрылысы 2019 жылдың басында басталып, 2021 жылы маусымда аяқталған. 3 мың орынды 40 метрлік "Ақ боз үйдің" ашылуына сол кездегі президент Гурбангулы Бердімұхамедовтің өзі қатысқан.