Ссылки доступа

Ташкентте аудандық әскери комиссар пара алғаны үшін ұсталды


Ташкенттегі аудандардың бірінде қорғаныс жөніндегі бөлім басшысы заңсыз әскери билет рәсімдеп, 600 доллар пара алғаны үшін ұсталды. Бұл туралы 17 сәуірде Өзбекстан мемлекеттік қауіпсіздік қызметі хабарлады.

Мәліметке қарағанда, қауіпсіздік қызметі қаржы полициясымен бірге арнайы операция өткізген.

Астанадағы аудандардың бірінде қорғаныс істер жөніндегі басқарма басшысы бір азаматқа әскери билет дайындауға уәде берген. Ол қызмет көлігінде 600 доллар пара алып жатқан сәтте ұсталды.

Өзбекстанның Сырдария облысында осыған ұқсас қылмыс тіркелді. Халықты жұмыспен қамту орталығының директоры оқу орталығының жетекшісінен 300 доллар пара сұраған. Құқық қорғау органдары оны 1,4 млн сум ($120) алып жатқан уақытта қолға түсірді.

Пара алғандардың үстінен қылмыстық іс қозғалды. Олар қамауда отыр.

XS
SM
MD
LG