Бир ҳафта аввал Россия расмийлари Файзуллонинг Тожикистондаги қариндошларига унинг ўлими ҳақида хабар берган.
Россия ўтган йилнинг февраль ойида Украинага кенг кўламли ҳарбий босқиндан сўнг минглаб маҳбуслар ва меҳнат муҳожирларини турли йўллар билан бу урушга жалб қилди.
Марҳум аскарнинг отаси Асрор Аброров 24 апрель куни Озодлик радиосига ўғлининг Украинадаги урушда қатнашганидан хабари йўқлигини, бироқ тўрт ой аввал бўлиб ўтган сўнгги телефон суҳбатида у ўғли урушга жалб қилинишини таҳмин қилган.
Файзуллонинг яқинларига айтишларича, Россия томони уларга марҳумнинг жанг пайтида оёғидан ўқ жароҳати олгани ва кўп қон йўқотишдан вафот этганини маълум қилган.
Исми сир қолишини сўраган Файзуллонинг дўсти Озодлик радиосига унинг сўнгги бир йил давомида қамоқда бўлгани, ўтган йилнинг октябрида эса қамоқдан урушга жўнатилганини айтди.
Файзуллонинг отаси ўғли қаердан урушга жўнатилганини аниқ билмаслигини айтди. Унинг сўзларига кўра, Файзулло сўнгги тўрт йил давомида Россияда яшаб, қурилишда ишлаган, яқинлари эса унинг судлангани ва жазо муддатини ўтаётганини билишмаган.
Россияда хизмат қилган ва Украинадаги урушда ҳалок бўлган Тожикистон фуқаролари ҳақида аниқ маълумотлар йўқ.