Суд мажлиси 3 май куни Остона шаҳрида бўлиб ўтган, бундан олдин Жиланбоев эрта тонгда Ботаника боғида тренинг ўтказаётганида полиция томонидан қўлга олинган.
“Машғулот ўтказаётганимда полиция машинаси мени кутиб турди. Улар менга уйга қайтишимга рухсат беришмади. Мени Олмата тумани ИИБ олиб келишди. Ўтган ойда ЙХҲТ биноси яқинидаги намойишда қатнашганим учун, 25 суткага қамоққа олинишим мумкинлигини айтишди”, — деди фаол суд мажлиси олдидан
17 март куни Остонадаги Европа Иттифоқи ва Ғарб элчихоналари олдида бир неча ўнлаб фаоллар Ғарбни Украинага қарши урушда “Путинга ёрдам бергани учун” Остонага қарши иккинчи даражали санкциялар жорий этишга чақирди.
Улар Қозоғистон ҳукуматидан “сиёсий маҳбусларни озод қилишни”, 2022 йил январида ҳукуматга қарши намойишларнинг бостирилиши ва маҳбусларнинг қийноқлари натижасида ҳалок бўлган одамларнинг ўлими юзасидан халқаро тергов ўтказишни, “ноқонуний сайловлар”ни бекор қилишни талаб қилишди.
Бундан ташқари, 3 май куни эрталаб яна бир маъмурий суд бўлиб ўтди, унга кўра Жиланбоев олти ойга ҳайдовчилик гувоҳномасидан маҳрум қилинди. 1-май, мухолифатнинг режалаштирилган митинглари куни Остонада полиция Жиланбоевни машинада кетаётганида йўлда тўхтатди.
Полиция ходимлари унга “эрталаб соат 7:45 да бир фуқаро Жиланбоевдан йўл ҳаракати қоидаларини бузганлиги ҳақида шикоят қилгани” ва шундан сўнг фаол милиция бўлимига борганини айтишган.
1-май куни фаоллар ва ҳуқуқ фаоллари мамлакатнинг турли шаҳарларида кузатув, ҳибсга олинган ва полиция чақируви ҳақида хабар бериб, сиёсий таъқиблар ҳақида хабар беришди.