Протасевич Беларусда ҳокимиятни эгаллаб олиш ва оммавий тартибсизликлар уюштириш мақсадида бошқалар билан тил бириктирганликда айбдор деб топилган. Прокуратура унга 10 йиллик қамоқ жазоси берилишини талаб қилган эди. Аввалроқ унга қўйилган айбловларга экстремистик гуруҳга раҳбарлик қилганлик айблови ҳам қўшилганди.
NEXTA иши бўйича қолган икки айбланувчига суд сиртдан ҳукм чиқарган. Жумладан, Степан Путило суд ҳукми билан 20 йилга, Ян Рудик эса 19 йилга озодликдан маҳрум этилган.
Протасевич, Путило ва Рудик камида 1586 та жиноятни содир этганликда айбланган. Улар орасида ижтимоий низо қўзғатганлик, оммавий тартибсизликлар уюштирганлик, давлат ҳокимиятини эгаллаб олишга чақирганлик, террор хуружлари, экстремистик ҳамжамият тузганлик ва унга раҳбарлик қилганлик, туҳмат ва президентни очиқдан-очиқ ҳақорат қилганлик кабилар бор.
Аввалроқ Протасевич “ўз айбини тўлалигича тан олган”и ҳамда судда собиқ ҳамкасблари билан бугунги кунда ҳеч нарса боғлаб турмаганини билдиргани хабар қилинган эди.
Минск суди мухолифатдаги NEXTA telegram канали асосчиларидан бири Роман Протасевични 8 йилга озодликдан маҳрум қилиш ҳақида ҳукм чиқарди. Бу ҳақда Озодликнинг беларус хизмати хабар қилди.