“Агар сиз уни ҳарбий жиноятчи деб атасангиз, урушни тўхтатиш бўйича битим тузиш анча қийин бўлиб қолади”, деди у.
Трамп фикрича, Путин Украинага бостириб кириш билан жуда катта хатога йўл қўйган. Айни пайтда собиқ президент урушда ким ғалаба қозониши ҳақидаги тахминини айтишдан бош тортган.
Трамп яна бир бор “Агар мен АҚШ президенти бўлсайдим, бир сутка ичида урушни тўхтатган бўлардим” деган тезисини такрорлаган.
“Мен ғалаба ва мағлубият ҳақида ўйламайман. Мен қандай қилиб ҳаммасини изга солишни ҳақида ўйлайман. Руслар ҳам, украинлар ҳам ўлишяпти. Мен уларнинг ўлмасликларини истайман ва буни 24 соат ичида амалга ошираман”, деган собиқ президент.
“Унинг [Путиннинг] хатоси Украинага бостириб кириш бўлган. Агар мен президент бўлсайдим, у бу ишни ҳеч қачон қилмаган бўларди”, дея қўшимча қилган Трамп.
АҚШнинг 45-президенти бўлган Дональд Трамп 2017 йилдан 2021 йилгача Қўшма Штатларни бошқарган. “Москвага хайрихоҳ сиёсатчи” ўлароқ кўрилган Трамп кейинги президент сайловига яна ўз номзодини қўйиш истагини билдирган. Куни кеча Озодлик собиқ президент Дональд Трамп АҚШдаги суд томонидан жинсий тажовузда айбдор деб топилгани ҳақида хабар қилган эди.
АҚШнинг собиқ президенти Дональд Трамп CNN телеканали эфирида “Россия президенти Владимир Путинни ҳарбий жиноятчи деб ҳисоблайсизми?” деган саволни жавобсиз қолдирди ҳамда бу масалани “кейинроқ муҳокама қилиш керак”, дея билдирди.