Қирғизистон Вазирлар маҳкамаси матбуот хизмати вакили назорат ўтказиш пунктига оид батафсил маълумотларни тақдим этмади. Бироқ, шуниси маълумки, Бедел довони Хитойнинг Шинжон-Уйғур автоном райони билан чегарадош Иссиқкўл вилоятида жойлашган.
Икки мамлакат чегарасида ҳозирча иккита назорат-ўтказиш пункти мавжуд бўлиб, булар «Торугарт-йўл» ва «Иркештам-йўли»дир.
Вазирлар Маҳкамаси мажлисида қайд этилганидек, Торобоев ва Девен назорат-ўтказиш пунктини очишдан ташқари, Иссиқкўл вилоятидаги Сари-Жаз дарёсида ГЭС қуриш масаласини ҳам муҳокама қилдилар.
Жогорку Кенешнинг 3 май куни бўлиб ўтган йиғилишида Қирғизистон ташқи ишлар вазири Жеенбек Кулубаев Қирғизистон Республикаси Хитой билан визасиз режим жорий этиш бўйича музокаралар олиб бораётганини маълум қилди. Қўшни Қозоғистон келаси ҳафта Хитой билан ҳам шундай шартнома имзолаши кутилмоқда.