Унинг ўлими ҳақидаги маълумотни Озодликка фаол Ниёзбек Юсупов тасдиқлади.
Фаолнинг сўзларига кўра, 18 май куни тушдан кейин Жасарал Куанишалин “сунъий нафас олиш аппаратига уланган, бироқ унинг юраги бунга баордош бермаган”.
16 май куни Жасарал Куанишалин шаҳар тез тиббий ёрдам шифохонасига ётқизилган ва реанимация бўлимида ётган эди.
Жасарал Куанйшалин қозоқ диссиденти ва мухолифатчи сиёсатчиси. 1994–1995 йилларда Қозоғистон Олий Кенгаши депутати бўлган. Шундан сўнг у мухолифат сафига қўшилди ва турли ижтимоий ҳаракатлар таркибида мамлакат раҳбариятини очиқ танқид қилди. Сўнгги йилларда у ўз сафдошлари билан бирга партияни рўйхатдан ўтказмоқчи бўлган, бироқ Адлия вазирлиги турли баҳоналар билан рўйхатдан ўтишдан бош тортган.
Куанишалин ҳам президентликка номзод бўлишга ҳаракат қилган, бироқ расмийлар унинг номзодини рўйхатдан ўтказмаган.
74 ёшли мухолифатчи сиёсатчи ва диссидент Жасарал Куанишалин соғлиги кескин ёмонлашгани сабабли бир кун аввал Олмоти шаҳрида шифохонага ётқизилганидан сўнг вафот этди.