“Шунга кўра, 2 та ёнғин-қутқарув экипажи соат 16:45 да етиб борган ва ёнғин соат 16:50 да ўчирилган. Ҳодиса оқибатида тан жароҳати олган ва ҳалок бўлганлар йўқ”, дейилади вазирлик билдирувида.
“Тошшаҳартрансхизмат” ширкатининг маълум қилишича, автобус 2012 йилда ишлаб чиқарилган ва 882 минг килмоетрдан кўрпроқ йўл босган. Дастлабки тахминларга қараганда, ёнғинга электр симларидаги қисқа туташув сабаб бўлган.
Озодлик радиоси ўз вақтида Тошкентда 2015 йилдан 2018 йилгача камида йигирмата Mercedes Benz Conectо русумидаги автобус ёниб кетгани тўғрисида хабар берган эди.
Бундай ҳодисалар сабаби сифатида — автобусларнинг конструкциявий жиҳатдан маҳаллий шароитга мослашмагани, сифатсиз эҳтиёт қисмлар ишлатилиши, техник хизмат сифати пастлиги бўлиши мумкинлиги айтиб келинади.
2018 йилда Тошкентда 2008−2009 йилларда ишлаб чиқарилган Mercedes Benz Conectо автобуслари қатновдан олиб ташланган эди. Бироқ орадан кўп ўтмай, улар яна йўналишларга қайтарилган.
Тошкентнинг Махтумқули кўчасида 21 май куни тахминан соат 16:40 да 96-йўналишдаги Mercedes-Benz автобуси бутунлай ёниб кетди. Фавқулодда вазиятлар вазирлигининг билдиришича, ёнғин Ашхобод боғи олдидаги бекатда бошланган.