Экипажни NASA собиқ астронавти ва Халқаро космик станциясининг биринчи аёл командири Пегги Уитсон бошқармоқда. Кема учувчиси тадбиркор Жон Шоффнер. Саудия Арабистони астронавтлари Райян Барнавий ва Али ал Карний экипаж аъзоларидир. Улар Халқаро космик станцияга учган саудиялик илк шахслар бўлади. Бундан ташқари Барнавий коинотга учган илк саудиялик аёлдир.
Халқаро космик станциясида улар саккиз кун яшайди ва станция экипажи билан бирга ишлайди.
Axiom тижорий дастури асосида уюштирилган мазкур парвоз учун ҳар бир киши 55 миллион доллардан ҳақ тўлаган. Бундай парвозларни йилига икки-уч марта амалга ошириш режалаштирилган.
Илон Маск асос солган SpaceX ширкати Халқаро космик станцияга «Фалькон-9» ракетаси воситасида “Крю дрэгон” кемасида туристларни жўнатди. Бу коинотга уюштирилган иккинчи тижорий парвоздир.