Аёллар полиция бўлимига олиб кетилган ва бир неча соатлик сўроқдан сўнг қўйиб юборилган. Аёллар билан ўтказилган суҳбат давомида улар “жамоат жойларида ўзини енгилтак тутмаслик”ка чақирилган.
Полиция аёлларни тўхтатиб, улар билан полиция бўлимига боришни талаб қилган. Аёллар талаб сабабларини тушунмай, ҳайрон бўлишган.
Манбаларга кўра, аёллар полиция бўлимида бир неча ходим томонидан сўроқ қилинган.
Аёлларни сўроқ қилган расмийлар улардан камтарона кийиниш ва “туркманчилик одатларига кўра” ўзини тутишларини талаб қилган. Шу билан бирга, сўроқ пайтида полиция ходимлари бир неча бор аёлларга нисбатан беҳаё сўзларни ишлатган.
Туркманистон қонунчилигида туркман аёллари учун “мос” ёки “номақбул” кийим турлари рўйхати кўзда тутилмаган ва уларнинг жамоат жойларида ўзини тутиши бўйича қонуний белгиланган қоидалар йўқ. Шунга қарамай, ҳуқуқ-тартибот идоралари “Туркманчилик” деб аталмиш асосларни баҳона қилиб, вақти-вақти билан мамлакат фуқароларига нисбатан чеклов чораларини кучайтирмоқда.