У 27 майдан 2 июлгача давом этади. Машғулотга мингга яқин ҳарбий техника жалб қилинган.
Иттифоқчиларнинг қўшма артилерия машғулотлари Россия чегараси яқинида ўтказилмоқда. Машғулотларни кузатаётган АҚШ генерал майори Грегори Андерсон Вашингтон Финляндияни ҳимоя қилишга тайёр эканини билдирган.
“Биз бу ерда бирор кор-ҳол юз берганида Финляндияни ҳимоя қилишга тайёр бўлиш учун иттифоқчиларимиз билан машқ қилмоқдамиз”, -деди АҚШ генерали.
АҚШ ҳарбийлари Финляндиядаги машғулотларга денгиз орқали Германиядан ракета тизимларини олиб келган. Бундан ташқари Финляндия аскарлари "Леопард-2А6" танкларидан ўқ отиш бўйича машғулот ўтказмоқда. Швеция эса CV90 ҳарбий машиналарини, Британия Warrior танкларини олиб келган.
Финляндия НАТОга 4 апрелда аъзо бўлди. Швециянинг НАТОга аъзолиги масаласи эса июлда Вильнюсда ўтадиган саммитда кўриб чиқилиши кутилмоқда.
АҚШ, Британия, Норвегия ва Швециянинг мингга яқин ҳарбийси Финляндиянинг 6500 аскари билан биргаликда “Шимолий ўрмон” машғулотида иштирок этмоқда. Reuters агентлигининг хабар беришича, Финляндияда биринчи марта бу каби йирик машғулот ўтказилмоқда.