Тожикистон фуқаро ҳарбий хизмат шартномасини имзоламаганини даъво қилади, бироқ унга кўра, шартномани кимлардир унинг номидан аллақачон имзолаб юборган.
4 май куни Ленинград вилоятининг Кингисепп шаҳрида Далержон исмли Тожикистон фуқароси қўлга олинди.
Далержоннинг Россияда бўлиш рухсатномасининг муддати тугаган. Суд уни уч минг рубль жаримага тортишга қарор қилди. Шундан сўнг у кейинчалик депортация қилиш учун хорижликлар учун вақтинчалик яшаш марказига келтирилди, аммо 30 май куни у ҳарбий қисмга юборилди.
Холод нашрига берган интервьюсида муҳожир уйга кетмоқчи эканлигини ва урушда қатнашиш истамаслигини айтган, аммо унга шартнома аллақачон имзолангани ҳақида хабар берилган.
Далержон паспортини олиб қўйишганини, бундан ташқари, у билан бир ҳарбий қисмда Ўзбекистон фуқароси борлигини, у ҳам фронтга боришни истамаслигини айтди.