Газета суҳбатдошларидан бирининг таъкидлашича, Россия компаниялари сўнгги икки ҳафта ичида ташқи иқтисодий фаолиятнинг товар номенклатураси коди бўйича тўловлар блокланишига дуч кела бошлаган. Ҳукуматга яқин яна бир манбанинг таъкидлашича, тўловлар блокланиши сўнгги авлод телекоммуникация ускуналари, шунингдек, маълумотларни сақлаш тизимлари ва серверларини етказиб беришда кузатилмоқда.
Нашр манбаларидан бири тўлов блокланиши банкларнинг санкция рўйхатидаги россиялик жисмоний ва юридик шахслар билан ҳамкорлик учун АҚШ иккиламчи санкцияларига тушиб қолишидан хавотирланиши билан боғлиқ бўлиши мумкинлигини тахмин қилди. Газета эслатишича, кенг кўламли уруш бошланганидан бери камида иккита арман электроника етказиб берувчиси АҚШ чекловларига дучор бўлган, шу жумладан Milur Electronics - АҚШ расмийлари бу компания Россиянинг микросхемалар ишлаб чиқарувчи «ПКК Миландр» ширкати билан ишлаган деб ҳисоблайди.
Газета суҳбатдошлари Россия компаниялари «муқобил» товар номенклатура кодлари бўйича электрон компонентларни харид қилиш, «бошқа тўлов усуллари»дан фойдаланиш ёки бутун ускунани сотиб олиш орқали банк текширувини четлаб ўтишлари мумкинлигини тан олди. Шу билан бирга, банк соҳасидаги манба хорижий банклар Россиядан тўловларни «қўлда» текширишларини таъкидлади.