Давлат раҳбари матбуот хизмати хабарига кўра, ҳозирданоқ Қирғизистон Республикасида миллий валютани чоп этиш бўйича тегишли ишлар олиб борилмоқда, зарур жиҳозлар харид қилинган. “Биз уни албатта ишга туширамиз”, деб ишонтирди Президент.
Жапаров, шунингдек, “Қирғизистоннинг молия сектори, миллий тўлов ва банк тизимлари жаҳон молиявий-иқтисодий инқирози таъсирига қарамай, ўз чидамлилигини намойиш этиб, ривожланишда давом этаётганини” таъкидлади.
Ваҳоланки, давлат раҳбарининг фикрича, “молиявий хизматлар сифатини ошириш ва жаҳон тенденцияларига риоя қилган ҳолда замонавий молиявий технологияларни жорий этиш зарур”.
Йил бошида президент Қирғизистон паспорт ва миллий валютани мустақил равишда чоп этишини, бунинг натижасида давлат ғазнасига камида 3 миллиард сом тушишини маълум қилган эди.
Сомнинг 30 йиллиги муносабати билан 10 май куни Қирғизистон Республикаси Миллий банки 200, 500 ва 1000 сомлик банкнотларнинг янгиланган – бешинчи сериясини муомалага чиқарди.
Қирғизистон Республикасининг миллий валютаси 1993 йил 10 майда муомалага киритилган.