— "Унинг барча талаблари ҳақиқатда бажарилган. Жамият Думандан очликни тўхтатишни сўради. У халқни тинглашини айтди. Бугун у очликни тўхтатиб, товуқ шўрваси сўради”, — деди адвокат Нурпеисов.
12 июнь куни эрталаб адвокат Муҳаммадкаримнинг аҳволи ёмонлашгани, дам олиш куни у икки марта тез ёрдам чақириб, қамоқ жазосини жаримага алмаштиришни сўраганини маълум қилди.
Ҳимоячининг сўзларига кўра, Думан Муҳаммадкарим 13 июнь куни касалхонага боради, у ерда буйрак ва қорин бўшлиғини МРТ текширувидан ўтказади. Таҳлил натижаларига кўра журналистга берилган жазони алмаштириш тўғрисида қарор қабул қилинади.
Думан Муҳаммадкарим ҳибсга олинган куниёқ 28 май куни полиция унга нисбатан куч ишлатганини айтиб, очлик эълон қилган. У ҳибсга олинишини ноқонуний деб атади. Адвокатнинг сўзларига кўра, полиция журналистнинг шикоятини ўрганаётганини айтган.
Бу Муҳаммадкаримнинг йил бошидан бери учинчи ҳибсга олинишидир. 26 май куни Муҳаммадкарим иккинчи ҳибсга олиш муддати тугагандан сўнг қўйиб юборилган, 28 май куни эса яна ҳибсга олинган.
9-июнь куни YouTubeдаги “Не Дейди» канали муаллифи Муҳаммадкарим Жиноят кодексининг 258-моддаси 1-қисми – “Экстремизмни молиялаштириш” бўйича жиноий ишда ҳимоя қилиш ҳуқуқига эга бўлган гувоҳ бўлгани хабар қилинган эди. Адвокат Думан Нурпеисов ўшанда бу айблов хорижда истиқомат қилувчи мухолифатчи сиёсатчи Мухтор Аблязов билан суҳбатдан сўнг айтилганини айтди.
Сўнгги ойларда Қозоғистонда президент ва ҳукумат сиёсатини ошкора танқид қилган ўндан ортиқ фаол таъқибга учради. Инсон ҳуқуқлари гуруҳлари сиёсий сабабларга кўра таъқиблар ҳақида гапиради. Оқўрда сиёсий маҳбуслар борлигини ва сиёсий сабабларга кўра таъқиб қилинаётганини рад этади.