“Биз [ТИВда] бу доктринани синчиклаб ўрганиб чиқдик ва унга “тажовуз” ёки “ташқи тажовуз” тушунчаларини киритиш зарур, деб ҳисоблаймиз. Чунки 2021 ва 2022 йилларда нима бўлганини эслагансиз керак. Шунинг учун бизнинг агрессияга қарши ҳаракатларимиз ушбу доктринага киритилиши керак”, — деди ТИВ раҳбари.
Бунга жавобан Хавфсизлик кенгаши йиғилишида президент Садир Жапаров Қулубоевнинг таклифига розилик билдирди. Тадбир аввалида давлат раҳбари “ҳар қандай можаронинг олдини олиш ёки фақат дипломатия йўли билан ҳал қилиш мумкинлигини” таъкидлади.
Шу билан бирга, Садир Жапаров дунёдаги вазият “ҳарбий ва давлат тизимларини мустаҳкамлаш зарурлигини эслатиб туришини” эслатиб ўтди.
Эслатиб ўтамиз, Қирғизистон Ҳарбий доктринаси тайёрланиши бир йил аввал, 2022 йилнинг май ойида эълон қилинган эди. Ўша йилнинг сентябрь ойида Қирғизистон Республикасининг Тожикистон билан чегарасида энг йирик қуролли тўқнашувлардан бири бўлиб ўтди, натижада 63 нафар қирғизистонлик, жумладан, ҳарбийлар ҳалок бўлди, 200 дан ортиқ киши яраланди.