12 ва 14 ёшли опа-сингилларнинг оиласи Тожикистондан Санкт-Петербургнинг Петродворес туманига кўчиб келган, деб хабар бермоқда маҳаллий ОАВ.
Маълумотларга кўра, фожиа 14 июнь куни кечқурун содир бўлган. Ҳалок бўлган қизлар укаси ва икки каттаси — отаси ва бувиси билан бирга ҳовузда бўлган.
“Фонтанка” нашрининг ёзишича, дам олувчилар қизларнинг кийимларида сувга тушганини кўрган. Сўнг уларнинг кўзи қалқиб чиққан футболкага тушган. Гувоҳларнинг айтишича, ёрдам сўраб фарёдлар эшитилмаган. Баъзи маълумотларга кўра, ота энг кичигини сувдан олиб чиққан, бироқ биринчи тиббий ёрдам ёрдам бермаган. Каттасининг жасади қутқарувчилар томонидан қайиқда қирғоққа олиб чиқилган.
Дастлабки версияга кўра, ўлимга қизларнинг сузишни билмаслиги сабаб бўлган.
Тожикистонлик оила ҳақида ҳозирча маълумот йўқ. Айни пайтда Шимолий пойтахт Тергов қўмитасининг телеграм-каналида хабар беришича, болалар ўлими бўйича ЖКнинг 109 моддаси 3-қисмида назарда тутилган жиноят асосида жиноий иш очилган.