Шу йилнинг март ойида ижтимоий тармоқларда аёл ўз болаларини қийнаётгани тасвирланган видео тарқалган ва катта шов-шувга сабаб бўлган эди. Шундан сўнг Самарқанд вилоят ИИБ бу воқеани ўрганган.
ИИБ воқеа Каттақўрғон туманидаги Андоқсой қишлоғида 2000 йилда туғилган Х.У., томонидан содир этилганини билдирган. ИИБга кўра, аёл Россияда меҳнат муҳожирлигида юрган эри билан жанжаллашиб қолган ва ундан ўч олиш мақсадида болаларни қийнаган.
Судда ҳам Х.У., эридан ўч олиш мақсадида болаларини қийнаб видеога олганини таъкидлаган ва айбига иқрорлигини тан олиб, ўзига енгиллик берилишини сўраган.
Суд ҳукми билан аёл БҲМнинг 25 баравари миқдорида, яъни 7, 5 миллион сўм жаримга тортилди.
Самарқанд вилоят Жиноят ишлари бўйича Каттақўрғон туман суди болаларини қийнаб видеога олган аёлни Жиноят кодексининг 112-моддаси 1-қисми (ўлдириш ёки зўрлик ишлатиш билан қўрқитиш) билан айбдор деб топди.