Самарқандда эркак Исроилга ишлаш учун кетган хотинидан қасос олиш учун уч нафар фарзандини пичоқлади.
Воқеа 16 июн куни содир бўлган. Эркак хотини билан телефонда гаплашаётганда у билан жанжаллашган. Кейин хотинидан қасос олиш учун у 10, 12 ва 13 ёшли уч фарзандини (2 нафар ўғил, 1 нафар қиз) ошхона пичоғи билан пичоқлаган. Шундан сўнг, ўзини ўлдирмоқчи бўлиб, кўкрагига пичоқ билан уриб, жароҳат етказган. Ҳозирда у шифохонанинг жонлантириш бўлимига ётқизилган.
Ушбу ҳолат бўйича Жиноят кодексининг 97-моддаси (қасддан одам ўлдириш) билан жиноий иш очилган. Вилоят прокуратураси тергов олиб бормоқда.
Самарқанд шаҳрида 36 ёшли эркак хотини билан телефонда келиб чиққан жанжалдан сўнг, уч нафар вояга етмаган фарзандини пичоқлаб ўлдирди. Бу ҳақда Бош прокуратура матбуот котиби маълум қилди.