Расман билдирилишича, воқеа 18 июнь 16:15 ларда юз берган. Юқоридан пастга тушаётган лифт техник носозлик туфайли тезлашиб кетган ва биринчи қаватга яқинлашганда автоматик тормоз тизими ишга тушиб тўхтаган.
Бунинг оқибатида лифтда бўлган 11 киши “енгил тан жароҳати олгани” ва Республика шошилинч тез ёрдам илмий марказига ётқизилгани айтилмоқда.
Вазирликнинг маълум қилишича, тиббий ёрдам кўрсатилганидан сўнг шифохонадан 8 киши уйига чиқарилган, уч киши эса даволанишда давом этмоқда.
Тошкентдаги кўп қаватли уйлардан биридаги лифтнинг носозлиги туфайли 11 киши жароҳатланди
Тошкент шаҳар Янги ҳаёт тумани “Янги Дархон” маҳалласидаги Наврўз кўчасида жойлашган кўп қаватли уйнинг юк ташиш учун мўлжалланган лифти носозлиги оқибатида 11 киши жароҳатланди. Бу ҳақда Фавқулодда вазиятлар вазирлиги хабар берди.