Хабарда айтилишича, бу воқеа ўтган ҳафтада юз берган. Юзлаб қочқинни олиб кетаётган қайиқ Ўрта ер денгизида ағдарилиб, қочқинлар сувга чўкиб кетган. Қайиқ Ливиядан Грецияга йўлга чиққан эди.
Ўтган ҳафта Греция соҳили яқинида қайиқ ағдарилиб, камида 82 мигрант ҳалок бўлгани хабар қилинган эди. Ўшанда 104 кишини қутқаришга муваффақ бўлингани, улардан 12 нафари покистонлик экани маълум қилинган.
Ўшанда қайиқда 181 покистонлик ва 28 кашмирлик бўлгани айтилган. Гувоҳларга кўра, узунлиги 20-30 метр бўлган қайиқда 400 киши бўлган.
Греция Шимолий Африка ва Яқин Шарқ мамлакатидан Европага келаётган қочқинларнинг йўлидаги асосий маршрутлардан бири. Кўпчилик қочқинлар Ўрта Ер денгизини хавфсизлик талабларига риоя қилмаган ҳолда сузиб ўтишга ҳаракат қилади. БМТнинг билдиришича, шундай йўл билан Европага 72 мингта мигрант келган.
Reuters агентлигининг 22 июнь куни Покистон Федерал тергов агентлигига таяниб хабар беришича, Греция соҳили яқинида 209 покистонлик ҳалок бўлди.