Ақпаратқа қарағанда, бұл факті бойынша тергеу ісі жүріп жатыр.
Өткен аптада блогер Никита Макаренко 300-ге жуық өзбекстандық Германияға жіберген фирманың "құрбаны" болғанын мәлімдеген. Оның сөзінше, студенттерді Ferienjob бағдарламасы аясында (америкалық Work and Travel бағдарламасы секілді) жұмысқа тұрғызуға уәде берген.
"Олар қазір вокзалда түнеп жүр", - деген ол.
Өзбекстанның Франкфурт-на-Майнедегі Бас консулдығы Германияға келген азаматтар туралы мәлімет түскенін хабарлады.
"Өзбек дипломаттары “Хумо” өзбек-неміс мәдени қоғамы мұқтаж болған 35 азаматқа керекті көмек көрсетті", - деп мәлімдеген.
Өзбекстанның Берлиндегі елшілігі және Бас консулдығы жағдайды бақылауға алып, тиісті органдармен бірлесіп жұмыс істеп жатқанын жеткізді.