Мазкур рейтингдаги баҳолашнинг асосий мезони паспорт эгаларининг қанча мамлакатга визасиз бора олиши ёки манзилга етиб борганидан кейин виза олиши мумкинлиги бўлган.
Ўзбекистоннинг рейтингда (Зимбабве ва Камбоджа билан биргаликда) анча қуйи ўринни эгаллашига сабаб бўлган жиҳат ҳам мамлакат фуқароларининг дунёдаги 127 та мамлакатга фақат виза олгандан кейингина бора олишлари, визасиз бориши мумкин бўлган мамлакатлар сони 26 тагина экани, яна 45 та мамлакатга виза манзилга етиб боргандан кейин олиниши бўлган.
Марказий Осиё мамлакатлари орасида паспорт кучи бўйича Қозоғистон 53-ўрин, Қирғизистон 67-ўрин, Тожикистон 72-ўрин, Туркманистон эса 79-ўринни эгаллаган.
Рейтингда 125 та давлатга визасиз кириш имкониятини тақдим этолган Бирлашган Араб Амирликлари паспорти энг кучли давлат, бор-йўғи бешта давлатга визасиз кириш имкониятини берган Афғонистон эса паспорти энг кучсиз мамлакат ўлароқ эътироф этилган.
Жаҳондаги давлатларнинг паспорт кучи бўйича Arton Capital ташкилоти томонидан тузилган рейтингда Ўзбекистон 97 та мамлакат орасида 71-ўринни эгаллади. Бу ўтган йилги кўрсаткичга (69-ўрин) қараганда 2 поғонага пастдир.