Фаолга кўра, 3 июль куни Кахетида (Гуржистон) Жанбўтанинг синглиси Бўтакўз Тўлеген тергов ҳаракатларида иштирок этган. Ушбу жиноят ишида жабрланувчи сифатида тан олинган Бўтакўзнинг Қозоғистондан олиб келган айрим далиллари ишга илова қилинган.
“Эндиликда Жанбўтанинг мол-мулкини тортиб олиш мақсадида ўлдирилганини исботлаш учун Қозоғистоннинг ёрдами зарур. Гумонланувчи Габриел Хохобашвили у билан 2015 йилдан бери муносабатда бўлган, бироқ улар бирга яшамаган. У марҳуманинг олдига келиб, доим ундан пул ундирган. Жанбўта унга ишонган, у эса ундан фойдаланган”, — деди Тансари ижтимоий тармоқдаги постида.
Қотилликда гумонланувчи, Дина Тансарийнинг сўзларига кўра, алдов йўли билан Жанбўтани мол-мулкини сотишга ва айирбошлаш шохобчасидаги барча пулларни алмаштиришга кўндирган.
“Жанбўтанинг синглиси олди-сотдини тасдиқловчи барча керакли ҳужжатларни йиғиб, ушбу айирбошлаш шохобчасини топди. (...) 18 май куни улар уйни сотишган, 20 май куни эса Тбилисига боришган, 21 май куни айбланувчи Жанбўтани ўлдирган ва унинг жасадини Кахети дарёсига ташлаб юборган. 22 май куни у машина сотиб олиб, ҳеч қачон ҳолидан хабар олмаган болаларининг олдига борган”, — деди Тансарий.
24 май куни Грузия Ички ишлар вазирлиги сайтида Кахети полицияси фуқаро Г. Ҳ.ни қасддан қотиллик содир этганликда гумон қилиб қўлга олгани ҳақида хабар пайдо бўлди. Дина Тансарий ёзганидек, гумонланувчи қотилликда айбига иқрор бўлган, бироқ у қотилликни қасддан қилинганлигини рад этди.
У сотиб олган машина ҳибсга олинган. Агар қотилнинг нияти ва молиявий манфаатдорлиги исботланса, у 20 йилгача қамоқ жазосига ҳукм қилиниши мумкин, дея қўшимча қилди фаол.
Гумонланувчи томони ҳозирча очиқ баёнот бермаган.