Елшілікті Айбек Артықбаев басқарады. Елші бұған дейін сыртқы істер министрінің орынбасары қызметін атқарған.
Қырғызстан президенті Садыр Жапаров мемлекеттік сапармен Моңғолияда жүр. Ол елшіні сапар қарсаңында, 8 шілдеде тағайындаған.
Президент Садыр Жапаровтың Моңғолияға сапары 9 шілдеде басталды. Ол моңғол президенті Ухнаагийн Хурэлсухпен кездесті. Қырғызстан президенті соңғы мәрте Моңғолияға 21 жыл бұрын келгені айтылды. Келіссөздер нәтижесінде мемлекет басшылары достық және әріптестік туралы бірлескен декларацияға қол қойды.