Марҳуманинг яқинларига кўра, Сарвинисо ёлғон сўзларга ишониб иккинчи хотин бўлиб турмуш қурган. Аёл эрининг қонуний рафиқаси ва унинг оиласи билан тинимсиз келишмовчиликлар туфайли ўз жонига қасд қилган. Прокуратура аёлнинг турмуш ўртоғини ҳибсга олди, бироқ унинг яқинлари содир бўлган воқеа юзасидан сукут сақлашмоқда
Сарвинисо Сафарова 15 июнь куни Дўсти тумани Пасариқ қишлоғида ўзига ўт қўйиб юборган. Марҳуманинг онаси пойтахтлик Муҳаббат Холованинг айтишича, Сарвинисо уч йил аввал биринчи турмуш ўртоғи билан ажрашган ва бир фарзандни катта қилган. Бир йил аввал эса Дўсти туманида яшовчи Солиҳжон Саидалиевга турмушга чиққан. Суҳбатдошнинг айтишича, қизи бу одамнинг қонуний хотини ва икки фарзанди борлигини кейинроқ билган.
Ушбу воқеадан сўнг Дўсти тумани прокуратураси томонидан 29 ёшли Солиҳжон Сайдалиев қўлга олинди. Тергов тафсилотлари билан таниш бўлган Озодлик радиоси суҳбатдошларидан бирининг айтишича, Саидалиевга нисбатан Жиноят кодексининг икки моддаси: 109-қисм (ўз жонига қасд қилишга ундаш) ва 170-моддаси (қўшхотинлик ёки кўпхотинлик) бўйича иш қўзғатилган. Суҳбатдошга кўра, аёл рашк туфайли ўз жонига қасд қилган, ўзига бензин сепиб, эрининг уйига ўт қўйган.