Эслатиб ўтамиз, аввалроқ Қирғизистон расмийлари санкцияга киритилган товарларнинг Россияга қўш мақсадли товарлар экспорт қилинишининг олдини олиш учун барча имкониятларни ишга солишга ваъда берган эди.
“Украинага кенг миқёсли босқин бошланганидан бери Қирғизистон Республикасида жойлашган корхоналар кўпинча бошқариладиган электрон компонентлар ва бошқа технологияларни Россияга экспорт қилиб келмоқда. Кейинчалик бу етказиб беришларнинг баъзилари Россия мудофаа сектори учун икки томонлама фойдаланиш учун нозик товарларни ўз ичига олган”, дейилади АҚШ молия вазирлиги хабарида.
Аввалроқ Washington Post Вашингтоннинг санкциялар жорий этиш нияти ҳақида ёзган эди. Президент Жо Байден маъмуриятининг номи ошкор этилмаган икки амалдори нашрга маълум қилишича, бу қарор АҚШ ва Европанинг бир қатор дипломатларининг Бишкекка бир неча ойлик “самарасиз ташрифлари” ортидан келган.
“Қирғизистон бошқаларга нисбатан кичик давлат бўлсада, унинг мисолида санкцияларни четлаб ўтиш учун қабул қилиб бўлмайдиган қулай муҳит яратувчи барча омилларни истисносиз яққол кўрсатиб турибди”, — дея юқори мартабали амалдорнинг сўзларини келтиради газета.
Америка томонига кўра, Россия махсус хизматлари санкцияга киритилган қўш мақсадли товарларни экспорт қилиш билан шуғулланади.
Қирғизистоннинг Вашингтондаги элчихонаси Америка газетасининг сўровига жавобан, мамлакат расмийлари халқаро меъёрларга риоя қилиш, контрабанда ва бошқа ноқонуний савдога қарши курашиш тарафдори эканини айтди. Элчихона Москва билан савдо ҳажмининг ошишини товарлар ҳаракатини кузатишнинг электрон тизимларини такомиллаштириш билан изоҳлади.
Пайшанба куни Қирғизистон бош вазири Оқилбек Жапаров вазиятга изоҳ берди. Унинг журналистларга айтишича, Қирғизистон томони Россияга санкция қўйилган қўш мақсадли товарлар экспорти қилинишининг олдини олишга ҳаракат қилмоқда.
Вазирлар Маҳкамаси раҳбари яқинда Европа Иттифоқи ва АҚШ делегацияси муаммони муҳокама қилиш учун мамлакатга ташриф буюрганини тасдиқлади. “Келажакда санкцияланган товарлар чегарамиздан ўтмаслиги ва бундан ташқари, санкция мавжуд бўлган жойга кетмаслиги учун чоралар кўрилади”, деб ваъда берди Жапаров.
Кремль ҳам Қирғизистонга қарши қўлланилиши мумкин бўлган санкциялар ҳақидаги маълумотлар бўйича изоҳ берди. “Қирғизистон Россиянинг яқин ҳамкори, мамлакатлар ўртасидаги муносабатлар ва интеграция жараёнлари ривожланган, РФ уларни янада ривожлантириш ниятида”, — дея маълум қилди Россия президенти матбуот котиби Дмитрий Песков.