The Jerusalem Post нашрининг ёзишича, операция яхши ўтган. Нетаняху душанба куни Кнессетда суд-ҳуқуқ ислоҳоти бўйича овоз бериш вақтида касалхонани тарк этишга умид қилмоқда.
Парламент аъзолари 24 июль куни овозга қўядиган суд-ҳуқуқ ислоҳоти Исроилда оммавий норозиликларга сабаб бўлди. Ислоҳот мухолифларининг фикрича, бу ҳукумат қарорлари устидан суд назоратининг пасайишига олиб келади ва судлар ҳақиқатда мустақиллигини йўқотади. Нетаняху ва унинг иттифоқчилари, ўта миллатчи ва ўта православ партиялар, аксинча, судьяларнинг «ортиқча» ваколатларини чеклаш учун ислоҳотлар зарур, деб таъкидлайдилар.
Ислоҳот лойиҳасига қаршилик шу йилнинг март ойида бошланган. Бир кунда, 26 март куни 600 мингдан ортиқ намойишчи кўчаларга чиқди. Мамлакатда иш ташлаш бошланди. Кейин Нетаняху суд-ҳуқуқ ислоҳотини кўриб чиқишни Кнессетнинг ёзги сессиясигача қолдиришга қарор қилди. Унинг бошланиши билан норозилик яна бошланди. 20 июль куни ўн минглаб исроилликлар Тел-Авивдан Қуддусга норозилик намойиши ўтказди. Улар парламент биноси ташқарисида чодир лагери қурдилар.