Суд ҳукми билан Семен Токмаков ва Андрей Кайлнинг ҳар бири 15 йилданга, Алексей Гудилин ва Павел Хрулев 13 йилданга, Максим Хотулев 10 йилга, Александр Лисенков 8 йилга озодликдан маҳрум қилинди.
Июлда Сергиев-Посад шаҳар суди ҳакамлар ҳайъати Тесакнинг сафдошларини 2003 ва 2007 йилларда мигрантларни ўлдирганликда айбдор деб топган эди. Уларга нисбатан суд ҳукми 1 август куни ўқилди. Токмаков ва Кайль тўрт мигрантни, қолганлари эса икки мигрантни ўлдирганликда айбланганди.
Терговнинг билдиришича, 2003 йилда Марцинкевич, Семён Токмаков ва Андрей Кайль икки мигрантни қурилиш ишлари баҳонасида Смоленск вилоятидаги дала ҳовлига олиб келишади. Шу ерда улар бир мигрантни болта билан чопиб, иккинчи мигрантни эса бўғиб ўлдиришади. Жасадларни дала ҳовлига кўмишади.
Тергов Токмаков, Кайль, Алексей Гудилин, Александр Лисенков, Максим Хотулев ва Павел Хрулёв Сергиев Посаддаги ташландиқ турбазада яна икки мигрантни ўлдириб, уларнинг бошини олганини аниқлаган. Улар қотилликни видеога олган ва интернет тармоғига жойлаштирган. Шундан сўнг мигрантларнинг бошларини Москванинг Гольяново туманидаги кўчалардан бирига ташлаб кетган.
Тергов Марцинкевични қотилликларнинг асосий ташкилотчиси сифатида айблаган. Тергов асосан унинг кўрсатмаларига таянган ҳолда олиб борилган. Бироқ Тесак 2020 йилнинг кузида Челябинск қамоқхонасида ўлик ҳолда топилган. У яна қатор қотилликлар бўйича сўроқ қилиниши кутилаётган эди.
Расмийлар Тесак ўзини ўзи ўлдирганини билдирган. Бироқ қариндошлари Тесак қийноқлар остида кўрсатма берганини ва унинг ўлдирилганини иддао қилмоқда.
Мигрантларни ўлдирган миллатчи Тесакнинг сафдошлари 15 йилгача қамалди
Москва вилоятининг Сергиев Посад шаҳар суди Тесак лақаби билан танилган миллатчи Максим Марцинкевичнинг олти сафдошини мигрантларнинг ўлдирилишида айбдор деб топди ва узоқ муддатларга кесди.