Аввалроқ Соғлиқни сақлаш вазирлиги эпидемиологик текширув натижаларига кўра, Марказий клиник шифохонанинг тиббиёт ходимлари уч нафар беморга ОИВ инфекциясини юқтиргани учун жавобгар бўлганини маълум қилганди. Олмаота соғлиқни сақлаш департаменти хабарига кўра, тўрт нафар шифокор – бош шифокорнинг эпидемиология бўйича ўринбосари, интенсив терапия бўлими бошлиғи, шифохона бош ҳамшираси ва реанимация бош ҳамшираси салбий сабабларга кўра ишдан бўшатилган. Шифохона бош шифокори Наримон Табинбоев ҳам ишдан четлатилди.
Эпидемиологик текширув натижаларига кўра, комиссия аъзолари Марказий шаҳар клиник шифохонасининг уч нафар беморини юқтириш факти “катта эҳтимол билан” инсон омили билан боғлиқ деган хулосага келишди. Хусусан, Тергов комиссияси сабаб сифатида алоҳида тиббиёт ходимлари томонидан "инвазив манипуляциялар бўйича ишлаш тартиб-қоидалари стандартлари ва уларнинг фаолияти устидан назоратнинг йўқлиги" мумкин бўлган бузилишларни кўрсатди.
“Бундай ҳолатларнинг олдини олиш мақсадида Бош прокуратура томонидан Соғлиқни сақлаш вазирлигига стационар, амбулатория-поликлиника ҳамда консультатив-диагностика ёрдами кўрсатувчи қуйи тиббиёт муассасаларида комплекс текширувлар ўтказиш юзасидан сўров юборилди”, — дейилади Бош прокуратура хабарида.
Биринчи босқичда 549 та тиббиёт муассасасини текширишлар билан қамраб олиш режалаштирилган.
Олмаота марказий шаҳар клиник шифохонасининг уч нафар беморига ОИВ инфекцияси юқтирганлик факти бўйича ички ишлар органлари томонидан Жиноят кодексининг 118-моддаси 3-қисми (“Икки ёки ундан ортиқ шахсга нисбатан одамнинг иммунитет танқислиги вирусини юқтириш”) билан жиноят иши қўзғатилиб, тергов ҳаракатлари олиб борилмоқда. Ҳодисанинг барча ҳолатларини аниқлаш чоралари кўрилмоқда, дейилади Бош прокуратура хабарида.
Бу Қозоғистондаги тиббиёт муассасасида ОИВ инфекциясининг биринчи ҳолати эмас. 2006 йилда ўтказилган текширув натижаларига кўра, Чимкентдаги шифохоналарда 150 га яқин бола одамнинг иммунитет танқислиги вируси (ОИВ) билан касалланган. 16 шифокор коррупция ва эҳтиётсизликда айбланиб, қамоқ жазосига ҳукм қилинди.