Ҳодиса якшанба куни кечқурун Сомоний бозори яқинида содир бўлган.
Шаҳар соғлиқни сақлаш бошқармасининг таъкидлашича, ҳалокат қурбонлари кўпроқ бўлиши мумкин, чунки пачоқланган машиналар ва вайрон бўлган уйлардан барча ҳалок бўлганлар ва ярадорлар чиқарилмаган.
“Биз ўнта жасадни ўликхонага кўчирдик. Яна тўрт нафар ярадор марказий шифохонага олиб кетилаётганда ҳалок бўлган. Ҳозирча қурбонлар ҳақида аниқ маълумотлар йўқ”, — деди Кўлобдаги тез тиббий ёрдам станцияси шифокори.
Гувоҳларнинг сўзларига кўра, юк машинаси Шамсиддин Шохин туманидан юқори тезликда қияликдан пастга тушаётган бўлган.
Одатда юк машиналари Кўлобдаги Сомоний бозори томон соатига 20 километр тезликда ҳаракатланади. Аввалроқ расмийлар шунга ўхшаш ҳолат ҳақида маълум қилган эди, яъни машинанинг тормози узоқ пасайиш туфайли ишламай қолган ва машина тезликни ошира бошлаган, кейин эса авария содир бўлган.
Воқеа жойига бешдан ортиқ тез ёрдам машинаси етиб келди, ўнлаб одамлар жабрланганларга ёрдам бермоқда.